انا انسان مع نفسي قبل لا اكون معاك انسان
ولي مبدأ ولي نظره وتحكمني قناعاتي
احاسيسي حقيقه ثابته في الوصل والهجرن
انا طبعي اذا حبيت احب بكل حالاتي
ولا اجامل بأحاسيسي ولا اقبل بالهوى احسان
ولا للمصلحه يا سيدي دور بعلاقاتي
احب الصدق واعمل به كسبت او كنت انا الخسران
ولو صدقي يخسرني تشرفني خساراتي
على كثر الخطأ غافر ولا اغفر غلطه الخوان
جزاه الصد والفرقا ولو عاندت رغباتي
ولو ينشى زماني مانسيت الشوق والخلان
رفيق العمر لو يقسى معاناته معاناتي
هلا بك يا اصدق شعوراً دخل قلبي بلا استأذان
هلا بك يالنصيب نثر وجهه على اوقاتي
احبك والهوى نعمه وحبك نعمه الرحمن
واذا كان الهوى غلطه فحبك كل غلطاتي
No comments:
Post a Comment